ध्येयवेडे ट्रेकर्स | marathi youtuber | moto vlogger | yogeshnale28

🚩🚩🚩🚩🚩🚩🚩🚩🚩

*हे #ट्रेक” म्हणजे नक्की काय??*
कधी कधी आपल्याच
नातेवाईकांपैकी अथवा मित्रपरिवारापैकी कुणीतरी बोलून जातं….

ज्याचा ट्रेक विषयी काहीही संबंध नसतो….
काय रे,नुसतेच आपले डोंगर चढता उतरता ?
काय मिळत त्यातून तुम्हाला??
उगाच वेळ वाया,पैसे वाया??
नीट घरी बसा ना??

एक दिवस मिळतो कुठे आठवड्यातून सुट्टीचा….
तो देखील….
असा उनाडायला घालवता??
दर शनिवार रविवार बघाव तर हा बाहेर??
कुठे तर ट्रेकला म्हणे??
काय मिळत त्यातून….
देव जाणे??

असे वाक्य आपल्या आप्त मंडळीकडून हमखास ऐकायला मिळतात….

अन् आपण ते वाक्य ह्या कोणाकडून त्या कोणाकडे अगदी सहजतेने भिरकावून मोकळे ही होतो….
कारण त्यांना सांगून समजावून ही काहीही उपयोग नसतो….
पण….

समजणारे समजतात….
आपला मुलगा/मुलगी इतर मुलांसारखा वाईट मार्गाला तर नाही ना हे त्यांना पटलेले असतं….
शिवरायांबद्दल प्रेम अन् आदर हा असतोच त्यांच्यात…

तर ट्रेक म्हणजे नक्की काय??

ट्रेक म्हणजे नुसतंच डोंगर चढणं-उतरणं नाही….
ट्रेक म्हणजेच नुसतंच काही मौज मजा ही नाही….

*ट्रेक म्हणजे मनाने मनाला दिलेली हाक….*
*ट्रेक म्हणजे शिवतेजाची प्रेरणादायी आग….*

ट्रेक म्हणजे आडवाटेची नुसतीच पायपीट नव्हे….
ट्रेक म्हणजे निथळत्या घामाचे थकवे थेंब नव्हे….

*ट्रेक म्हणजे चैतन्याची नवी उमेदी लाट….*
*ट्रेक म्हणजे अभिमानाची सह्याद्रीची साद….*
*ट्रेक म्हणजे नुसतंच सैरवैर भटकण-पाहाणं नव्हे….*

ट्रेक म्हणजेच आभाळाची व्याप्ती मोजणं ही नव्हे….
*ट्रेक म्हणजे गड-किल्ले अन शौर्याचा इतिहास….*
ट्रेक म्हणजे चिराचीरातुनी घूमघुमलेला आवाज
इतकंच नव्हे….

तर ट्रेक म्हणजे निसर्गातल्या हर एक घटकांशी
अगदी मुक्तपणे केलेला संवाद….

*ट्रेक म्हणजे साऱ्यांशी जुळवून घेतलेला हर एक श्वास….*
*ट्रेक म्हणजे गती….*
*ट्रेक म्हणजे योग्य दिशा….*
*ट्रेक म्हणजे जीवनाची शिस्तबद्ध हालचाल….*
*ट्रेक म्हणजे प्रेम….*

जीवनावर,जगण्यावर,इथल्या माणसा-माणसांवर माणुसकीवर….
ट्रेक म्हणजे….बरंच काही….

खेड्या खेड्यातुनी पाहिलेली जीवनाची विविधरंगी रहाट गाडी…..

असा हा ट्रेक करते वेळी सृष्टी सौंदर्याची विविध
मनवेडी रूपं पाहता येतात….

*महिन्यातुन एकदा तरी गड-किल्ले-दुर्गावारी करा,*
*रोग आणि आजारांतुन बाहेर पडा…..*
*दुर्ग सर करणाऱ्या मावळ्यांना श्वसन,रक्तप्रवाह,गुडघे,छाती पोट आणि मानसिक आजार होणार नाहीत….*
*आधुनिक वैद्यकशास्त्रात याचे संदर्भ आढळत नसतील असे समजुन याकडे दुर्लक्ष करण्यापेक्षा स्वतः एकदा खात्री करा….*

मग तुम्ही स्वतःच या गोष्टीचा प्रचार कराल….

*● श्वसन – गडावर खालुन वर चढताना श्वासांची प्रक्रिया जलद होते,त्यामुळे पुर्ण श्वासोच्छ्वासाची क्रिया घडते.श्वासोच्छ्वासाच्या क्रियेला चालना मिळते….*

*● रक्तप्रवाह – श्वासोच्छ्वास जलद झाल्यामुळे रक्तप्रवाह वाढतो,रक्ताभिसरणाची क्रिया जलद होते.शिरांतील,नसांतील ब्लॉकेज निघतात.महिन्याला दुर्गाची वारी ब्लड-प्रेशरचा आजार दुर करी….*

*● गुडघे – पायांवर ताण येतो,सर्व स्नायु उत्तेजित होतात….*
*● छाती – वर चढताना दम भरल्याने फुफ्फुसे पुर्ण क्षमतेएवढी हवा आत घेतात आणि बाहेर सोडतात….*

*● पोट – गुरुत्वाकर्षणाच्या विरुध्द चालताना डीहाइड्रेशन मुळे शरीरातील पाणी पातळी कमी होते,पण गडावर गेल्यावर झरा,तळी,पावसाचे अतिशुद्ध पाणी पिल्याने शरीरातील रोगप्रतिकारक शक्ती कमालीची वाढते,दैनंदिन दुषित पाण्यामुळे होणारे पोटाचे विकार दुर व्हायला हातभार लागतो,शरीरावरील चरबी कमी होते….*

*● मानसिक आजार – रोजच्या धकाधकीच्या जीवनातील ताण-तणाव हे गडावरील मनाला प्रसन्न करणारे वातावरण,निसर्गाचे मुक्तहस्त चित्रण,निसर्गाचे रंग-रुप पाहुन दुर होतात.गडावरील सौंदर्य पाहुन भारलेले मन घेऊनच खाली आल्याशिवाय आपण राहत नाही.मनाची प्रसन्नता वाढते आणि ताण-तणाव निवळायला मदत होते….*

*चला तर मग 🚩गड-किल्ले दुर्गांच्या वाटेवर….*

🚩🚩 *जय जिजाऊ, जय शिवराय*🚩🚩

(Visited 4 times, 1 visits today)

You might be interested in

LEAVE YOUR COMMENT

Your email address will not be published. Required fields are marked *